இரகசியங்களுக்கென்று ஒரு உலகம்.

பகிர்ந்துகொள்ளப்படாத உண்மைகள் பலவும் ஒன்று கூடி
ஒரு இரகசிய உலகத்தை சிருஷ்டித்துக் கொண்டு
தன் இரகசியங்கள் உடைபட காத்திருக்கின்றன.
பல இரகசியங்கள் வலியுடனும்
மேலும் சில மிகுந்த வலியுடனும்
சில கொடூரமானதாகவும்
சில வக்கிரமானவைகளாகவும் இருக்கின்றன.
இரகசியங்கள் உடைந்து கரைந்துவிட தயாராகவே இருக்கின்றன
தனது பெயர் இரகசியங்கள் என இல்லாமலிருந்தால்.


Links to this post

Read Users' Comments ( 0 )

நிரம்பி வழியும் நினைவுகள்.

கோப்பை முழுவதும் நிரம்பி வழிகிறது
உன் நினைவுகளினால்....

கரும் புள்ளிகள் நிறைந்த கருநாகமொன்று
மெதுவாக ஊர்ந்து செல்கிறது

எதிரிலிருந்து என்னை முழுவதுமாய்
விழுங்கி கொண்டிருக்கிறது பொறித்த மீனின் கண்கள்

மழைக்கால பூச்சியை வெறித்தபடி
உறைந்திருக்கும் பல்லி

எங்கிருந்தோ பிய்த்து வந்த ஆட்டிறைச்சியை
நிதானமாக சுவைத்து கொண்டிருக்கிறதொரு பூனை
தன் பழுப்பு நிற கண்களை உருட்டியபடி

எறும்புகள் மொய்த்த என்னிரவு உணவில் கை வைக்கிறேன்

கோப்பை முழுவதும் நிரம்பி வழிகிறது உன் நினைவுகளினால்....


Links to this post

Read Users' Comments ( 0 )

தமிழக தேர்தல் - 2011


தமிழக தேர்தல் - 2011

சிறந்த கதாநாயகன் - தேர்தல் கமிஷன். [இப்போ வரைக்கும்....]

சிறந்த கதாநாயகி - திமுக - அதிமுக தேர்தல் அறிக்கைகள்.[அவ்ளோ கிளாமர்...]

சிறந்த கதாநாயகன் - சிறப்பு பரிசு - மு.கருணாநிதி.[இவரு நடிப்பை யாரும் மிஞ்ச முடியாது.]

சிறந்த கதாநாயகி - சிறப்பு பரிசு - கனிமொழி [ கூடிய சீக்கிரம் தேசியவிருது வாங்க போற தகுதி இருக்குறவங்க.]

சிறந்த குணசித்திர நடிகர் - வைகோ.[எப்போதும் இவரு அழுவாரு. இந்தவாட்டி இவருக்காக ஊரே அழுதது.]

சிறந்த வில்லன்கள் - ஆ.ராசா - ஆற்காடு.வீராசாமி. [இருட்டுலேயே பல வேலைகளை செய்ஞ்சவங்க.]

அரசியல்வாதிகளின் வில்லன் - அஸ்ரா கார்க் - சகாயம் - கண்ணப்பன் - இன்னபிற சில அதிகாரிகள்.[நோட் பண்ணு.. நோட் பண்ணு.. பெயரை நோட் பண்ணு..]

மக்களின் வில்லன் - தேர்தல் கமிஷன். [கொஞ்சமாச்சும் பணத்த கொடுக்க விடுங்க சாமிகளா...]

சிறந்த காமெடியன்கள் - கே.வி.தங்கபாலு -- வடிவேலு.[அவ்வ்வ்வ்...]

சிறந்த காமெடி - சிறப்பு பரிசு - கார்த்திக்.[சோலோ காமெடி கிங்.]

சிறந்த வசனகர்த்தா - வழக்கம் போல.. மு.கருணாநிதி. [எ.கா: தமிழகத்தை யார் ஆள்கிறார்கள் என்றே தெரியவில்லை...?]

சிறந்த ஸ்டன்ட் மாஸ்டர் - விஜயகாந்த்.

சிறந்த கிராபிக்ஸ் - சன்-கலைஞர் டிவி குழுமம்.

சிறந்த கோமாளி - ராமதாஸ் - திருமாவளன்.

சிறந்த கோமாளி - சிறப்பு பரிசு - கி.வீரமணி.

சிறந்த குடும்ப திரைப்படம் - ராமதாஸ் - குஷ்பூ -திருமா நடிப்பில் "கற்பின் பெருமை"

சிறந்த இளிச்சவாய பய பட்டம் - வேற யாரு, வழக்கம் போல இந்த கருமத்த எல்லாம் பாத்துட்டு பல்லு குடைஞ்சுகிட்டு இருக்கிற நாம தான்...!!!



Links to this post

Read Users' Comments ( 2 )